جاپان به نن د المپیک مشال مړ کړي او د المپیک دوبنۍ لوبې به چې د خپرې شوې کرونا وباله امله په یوه کال ځنډ ترسره شوې، نن پای ته ورسوي.
د دغې وبا له خپرېدو سره سره داسې ښکاري چې د دغو لوبو تنظیموونکي توانېدلي چې دغه لوبې چې شااوخوا ۵۰ زره لوبغاړو پهکې ګډون کړی و، د کرونا په زیات سرایت بدلې نهشي.
په داسې حال کې چې په سیمه کې د کرونا ډېلټا بڼه خپره شوې، په توکیو کې په یوه ورځ کې په متوسط ډول پر کرونا ویروس د اخته کېدونکو کسانو شمېر له پنځو زرو اوښتی.
چین د دغو لوبو د سرو زرو تر ټولو زیات مډالونه ګټلي، ورپسې ایټالیا ۳۸، د امریکا متحده ایالاتو ۳۶ او جاپان ۲۷ د سرو زرو مډالونه ګټلي دي.
د نن ورځې په پای کې به د ۱۳ نورو مډالونو ګټونکي هم معلوم شي او ورسره به دغه لوبې د ځانګړو مراسمو په ترڅ کې پای ته ورسېږي او جاپان به د المپیک مشال د دغو لوبو راتلوکي کوربه ښار پاریس ته وسپاري.
په ټوله کې متحده ایالات د ۱۰۸ مډالونو په ګټلو سره د دغو لوبو ستر ګټونکی دی.