د نړۍ د فوټبال وتلي ستوري لیونل مسي پرون اعلان وکړ چې یو بل کال هم په بارسلونا لوبډله کې لوبه کوي.
لیون مسي د تېرې سه شنبې په ورځ د بارسلونا لوبډلې ته ویلي و چې نور لوبه نه ورسره کوي.
دې خبر د فوټبال په مینه والو کې غوغا جوړه کړه.
مسي پرون له یوې انټرنېټي خپرونې (ګول) سره په مرکه کې ویلي چې د بارسلونا له لوبډلې سره د کړي قرار داد پر یوه بند مخالفت لري خو نه غواړي چې په حقوقي لانجه کې ښکېل شي له دې کبله یې منلې چې یو بل کال هم د فوټبال په دې لوبډله کې پاتې شي.
لیونل مسي ۳۳ کلن او په خټه د ارجنټاین دی.
هغه له تېرو ۲۰ کلونو راهیسې په بارسلونا لوبډله کې فوټبال کوي.
هغه تر اوسه شپږ واره د نړۍ د غوره فوټبالیست نوم ګټلی دی.