کابل ښار کې د یوې چاودنې غږ واورېدل شو
نن سهار شاواخوا ۰۹:۳۰ دقیقې د کابل ښار په شش درک سیمه کې د یوې چاودنې غږ واورېدل شو، تر اوسه د چاودنې د نوعیت او کره ځای په اړه جزئیات نهشته.
کابل ښار کې د دوو نورو چاودنو غږونه هم واورېدل شول
د دغو چاودنو د نوعیت او کره ځای په اړه به وروسته جزئیات وړاندې شي.
پر کابل ښار څو راکټونه لګېدلي
د افغانستان کورنيو چارو وزارت وياند طارق ارين وايي "نن سهار شااوخوا ۰۹:۳۰ دقیقې د کابل ښار د ۸مې او ۱۷مې حوزو له سيمو له دوو تېز رفتاره موټرو څو راکټونه توغول شوي دي."
کورنيو چارو وزارت په دې اړه چې دغه راکټونه د کابل ښار په کومو سيمو کې لګېدلي، جزئیات نهدي ورکړي.
د کابل ښار پر بېلابېلو سیمو ۱۴ راکټونه لګېدلي
د افغانستان د کورنیو چارو وزارت ویاند طارق ارین وايي "نن سهار شااوخوا ۰۹:۳۵ دقیقې له دوو تېز رفتاره موټرو ۱۴ راکټونه د لومړۍ، دوهمې، ۱۰مې، ۱۶مې او نهمې حوزې په لورو توغول شوي چې ډېری په استوګنیزو کورونو لګېدلي دي. په دغو پېښو کې د ۴ ماشومانو او یوې ښځې په شمول ۱۰ تنه ټپیان شوي دي."
ښاغلی ارین زیاتوي چې د دغو پېښو په تړاو دوه مشکوک کسان هم په ۱۷مه حوزه کې نیول شوي دي.