تازه: د افغانستان د مصالحې عالي شورا مشر عبدالله عبدالله: له انتخاباتو وروسته کړکېچ راپیدا شو چې ننیې د پای ټکی ګڼو، نړیواله ټولنه هم د دغه ټول توافق ملاتړې وه.
تازه: افغان ولسمشر محمد اشرف غني: نن د افغانستان لپاره اړینه او تاریخي ورځ ده، موږ وښوده چې له بهرني منځګړي پرته دا کار شونی کړ.
ولسمشر اشرف غني او پخواني اجرائیه رئیس عبدالله عبدالله د سیاسي کړکېچ د حل موافقه نن په ارګ کې لاسلیک کړه.
تمه ده چې د دې موافقې لاسلیک به په افغانستان کې له انتخاباتو وروسته د واک پر سر اوږده لانجه پای ته ورسوي.
د ولسمشر ویاند صدیق صدیقي پر ټویټر په یو بیان کې ویلي چې د دې موافقې له مخې به ښاغلی عبدالله د ملي مصالحې عالي شورا رئیس وي او د ټیم غړي بهیې په کابینه کې غړیتوب ولري.
په بیان کې په دې اړه نور جزئیات نهدي ورکړل شوي.
په افغانستان کې روانه سیاسي لانجه وروسته له هغه پیل شوه چې د انتخاباتو خپلواک کمېسیون ولسمشر اشرف غني د تلې د شپږمې د انتخاباتو ګټونکی اعلان کړ، خو سیالیې ښاغلي عبدالله دا پرېکړه ونهمنله.
په فبروري میاشت کې هغه مهال چې ولسمشر غني د دوهمې دورې لپاره لوړه وکړه، نو ښاغلي عبدالله هممهاله د لوړې مراسم راوبلل.
د دې موافقې بشپړ جزئیات تر اوسه نهدي روښانه شوي، خو په دې اړه خبرو اترو ډېر وخت ونیو.