تازه: د افغانستان د کورنیو چارو وزارت وايي چې امنیتي ځواکونو د کابل په لوېدیځ کې پر یوه روغتون د وسلهوالو له حملې له ۴۰ زیات کسان ژغورلي او عملیات روان دي.
تازه: د افغانستان عامې روغتیا وزارت په کابل کې پر یوه روغتون له ډلهییزې حملې څخه تر اوسه د ۳ ماشومانو په ګډون ۸ تنه ټپيان روغتونونو ته لېږدول شوي دي.
تازه: د دشت برچي په سل بستریز ملي روغتون ډلهییزه حمله کې تر اوسه ۴ تنه وژل شوي
د افغانستان کورنیو چارو وزارت وايي "درې وسلهوالو حمله کوونکو په کابل کې د دشت برچي په سل بستریز ملي روغتون ترورېستي حمله پلان کړه چې تر اوسه ۴ تنه ملکي کسان شهیدان شوي او د ماشومانو په ګډون ۵ تنه ټپيان شوي دي."
دغه وزارت زیاتوي "یو حمله کوونکی وژل شوی او د روغتون لومړی پوړ بشپړ تصفیه شوی او عملیات روان دي. تر اوسه د ماشومانو او روغتیايي کارکوونکو په شمول ۸۰ تنه ژغورل شوي دي."
تازه: د افغانستان کورنیو چارو وزارت وايي کابل کې د دشت برچي په سل بستریز ملي روغتون د وسلهوالو حمله، د حمله کوونکو په وژلو سره پای ته ورسېده.