د افغانستان د نولس کلنو ځوانانو د کرکټ لوبډله په کوارټرفاینل کې له پاکستان سره سیالۍ ته تیاري نیسي.
د افغانستان د لوبډلې سر روزونکي رئیس احمدزی پرون، د جنورۍ په ۲۴مه، ازادي راډیو ته وویل چې د افغانستان او پاکستان د نولس کلونو ځوانانو د کرکټ سیالي د راتلونکې جمعې په ورځ ده.
رئيس احمدزي وویل: "دافغانستان د نولس کلنو ځوانانو د کرکټ لوبډله د سیالیو دوهم دور ته وتلې او لومړۍ مسابقه یې د جنوري په ۳۱مه د پاکستان په وړاندې ده."
د نولس کلنو ځوانانو د کرکټ نړیوال جام دا مسابقې په جنوبي افریقا کې روانې دي. دا په جنوبي افریقا کې په روانو نړیوالو سیالیو کې د افغانستان دریمه لوبه ده.