د افغانستان د ۱۹ کلنو ځوانانو د کرکټ لوبډله د ۱۹ کلنو د کرکټ نړیوال جام د سیالیو په لړ کې کوارټر فاینل ته ووته.
دا سیالۍ په جنوبي افریقا کې روانې دي.
افغانستان به سبا د کاناډا د ۱۹ کلنو ځوانانو د کرکټ له لوبډلې سره مخامخ شي.
د افغانستان د ۱۹ کلنو ځوانانو د کرکټ د لوبډلې سر روزونکي رئیس احمدزي نن ازادي راډیو ته وویل: "موږ د سیالیو تر پیل ۱۰ یا ۱۲ ورځې مخکې جنوبي افریقا ته راغلي وو. زموږ ورزشکاران د دې ځای له هوا سره ښه بلد شول."
د پاکستان او نیوزیلنډ لوبډلې هم کوارټر فاینل ته وتلې دي.