محمد عمر داوودزی د سولې عالي شورا د دارالانشا نوی رئیس ټاکل شوی.
د ولسمشر مرستیال ویاند شاه حسین مرتضوي پرون په خپله فیسبوک پاڼه د ولسمشر فرمان خپور کړی و.
ښاغلي داوودزي تېره شپه له ازادي راډيو سره ځانګړې مرکه هم وکړه او ویې ویل د سولې یوه نوې تګلاره به جوړه کړي.
د پخواني ولسمشر حامد کرزي په دوره کې داوودزی د کورنیو چارو وزیر و، خو له دندې وروسته یې سیاسي ګوند جوړ کړ او د سولې په ارتباط یې هم ځینې غونډې وکړې.
له ښاغلي داوودزي سره د ازادي راډیو خبریال مرکه کړې او په سر کې یې پوښتنه کړې چې د سولې په برخه کې به موجوده هڅې څنګه سره یوځای کړي.
دا مرکه د لاندې لېنک په کېکاږلو سره اورېدلی شئ:
