په هلمند کې د ازادي راډیو خبریال محمد الیاس داعي وايي، د ټاکنو خپلواک کمېسیون ژمنه وکړه چي د رأی اچونکو د موجودیت په صورت کې به تر څلورو بجو وروسته هم د رأی اچونې بهیر ته ادامه ورکړي.
په ارزګان ولایت کې له نن سهار راهیسې د رأيې اچونې بهیر په داسې مهال پیل شوی چې د خلکو له نیوکو سره مخ دی.
په ارزګان ولایت کې له نن سهار راهیسې د رأيې اچونې بهیر په داسې مهال پیل شوی چې د خلکو له نیوکو سره مخ دی.
له دې سره په ترینکوټ ښار کې له سهار راهیسې څو پرله پسې توغنديز بریدونه هم ترسره شوي چې دوه ماشومان يې ټپیان کړي دي.
د دې راپور نور تفصیل د شریف الله شرافت په راپور کې د لاندې لېنک په کېکاږلو اورېدای شئ:
په زابل کې پر هغو وسله والو هوائي بريدونه شوي چې غوښتل یې د ټاکنو بهير ګډوډ کړي.
د زابل ولایت د رسنیو له مرکزه په خپره شوې خبرپاڼه کې راغلي چې پر وسله والو باندې هوائي بريدونه د قاطع ملاتړ ماموريت ځواکونو د زابل په شاجوی، شينګۍ، ميزانې، نوبهار او ښار صفا ولسوالیو کې ترسره کړي چې له امله يې ۱۹ وسله والو ته مرګ ژوبله اوښتې او د هغوی لس موټرسايکلونه او دوه موټرونه هم له منځه وړل شوي دي.
وسله والو طالبانو تر اوسه په دې اړه رسنیو ته څه نه دي ویلي.