کابل د نهمې امنیتي حوزې د درېم مکروریانو په سیمه کې د چاودنې له امله د رايې اچونې بهیر له ځنډ سره مخ شوي دي.
یوې امنیتي سرچینې د نوم د نه ښودولو په شرط ازادي راډیو ته وویل چې چاودنه د عبدالهادي داوې په ښوونځي کې چې د رایه اچونې مرکز هم په کې وو رامنځته شوې ده چې له امله یو شمېر امنیتي سرتېري ټپیان شوي هم دي.
په سیمه کې د ازادي راډيو خبریال وايي چې د همدغه پېښې له امله د یاد مرکز ته څېرمه په بل مرکز الفتح ښوونځي کې هم د رایې اچونې بهیر ګډ وډ شوی دی او خلک یو ډول ویرې په مخه کړي دي.
له دې وړاندې د کابل د احمد شاه بابا په مېنه او قره باغ ولسوالۍ کې هم چاودنې شوي دي خو د امنیتي ځواکونو په وینا تلفات نه لري.
تر دا مهاله د کورنیو چارو وزارت په دې اړه څه نه دي ویلي.
د هلمند چارواکي ډاډ ورکوي چې د رأی اچوونې د ټولو مرکزونو امنیت به خوندي وي.
د لښکرګاه اوسېدونکي د حکومت او د ټاکنو د کمېسیون نه غوښتنه کوي چې په ټاکنو کې د کېدونکو درغلیو عادلانه څېړنه دې وشي او هېڅ چاته باید اجازه ورنه کول شي چې د خلکو د رأیو سره خیانت وشي.
د ازادي راډیو خبریال محمد الیاس داعي د رأی اچوونې مرکزونو ته تللی دی چې راپور یې د لاندې لېنک په کېکاږلو سره اورېدلی شئ:
د ازادي راډیو خبریال همایون هېواد د کابل له کارتې نو څخه وايي، د کارته نو د رحمان مېنې د نجونو سايټ تر اوسه تړلى دى.
د ننګرهار د ټاکنیز بهير ناضرين وايي، که موجوده تخنيکي ستونزې حل نشي زیات شمېر خلک به له رای اچونې محروم پاتې شي.
په ننګرهار کې د پارلماني ټاکنو ګډونوال د ټاکنو لپاره د نیول شویو امنيتي تدابیرو خوښ دي، خو په ټاکنیز بهير کې ځينې جدي تخنيکي ستونزې یادوي چې په خبره يې که په وخت ورته رسېدنه ونشي نو د په زیات شمېر کسان به له ټاکنو بې برخې پاتې شي.
د ننګرهار په اکثرو حوزو کې کسان له سټېکرو سره ولاړ دي، خو د رایه اچوونکو لېستونه یا بل محل سره تغیر شوي او یا هم نه دي رسېدلي.
د همدې ستونزې له امله زیات شمېر خلک د رای اچونې پرته خپلو کورو ته ستانه شول.
ناضرین وايي لومړی د دې ستونزې مخه باید ونيول شي او دارنګه په ځينو سیمو کې چې دا ستونزه موجوده وه هلته دې د رای اچونې موده تر یوه ساعته نوره هم وغځوي.
دارنګه په ځينو ښځينه محلونو کې د ټاپې نه موجودیت دی.
د جلال اباد ښآر د لومړۍ ناحيې امير شهيد بڼ حوزه کې ناضرین شکایت کوي چې رایه اچونه په دې محل کې کېږي خو د ټاپې لپاره ورقې د سراج المارت بڼ حوزې ته وړل کېږي.
د امنیت په برخه کې خلک له امنيتي تدابيرو او په پراخه کچه د ناضرینو موجودیت نه خوښ دي او په خبره يې خلک په ډاډه زړه د رای اچونې مرکزونو ته روان دي.