د لاسرسۍ وړ لېنکونه

تازه خبر
یکشنبه ۱ تله ۱۴۰۳ کابل ۰۳:۱۵

په افغانستان کې د ولسي جرګې انتخابات!

د افغانستان د انتخاباتو خپلواک کمېسیون اعلان وکړ چې د ولسي جرګې انتخاباتو ته د رأی ورکولو بهیر به د شپې تر اتو بجو او په ...

د افغانستان د انتخاباتو خپلواک کمېسیون اعلان وکړ چې د ولسي جرګې انتخاباتو ته د رأی ورکولو بهیر به د شپې تر اتو بجو او په ځینو سیمو کې به سبا هم دوام وکړي.

د دغه کمېسیون مشر ګلاجان عبدالبدیع صیاد نن په کابل کې یوې خبري غونډې ته وویل په هغو مرکزونو کې چې کارکوونکي ناوخته ورسېدل او یا تخنیکي ستونزې رامنځته شوې، رأی ورکوونکي کولای شي د شپې تر اتو بجو د رأیو صندوقونو ته ولاړ شي.

ښاغلي صیاد زیاته کړه په ۳۶۰ مرکزونو کې به سبا یکشنبه انتخابات ترسره شي.

تر دې وړاندې د انتخاباتو خپلواک کمېسیون اعلان کړی وو چې دغه مرکزونه به د سهار له اوو بجو پرانیستل شي او د مازدیګر تر څلورو بجو به پرانیستي وي، خو یو شمېر مرکزونه د کابل په ګډون په ډېرو ښارونو کې نن شنبه پر خپل وخت نه‌دي پرانیستل شوي.

په غزني او کندهار کې له وړاندې د ټاکنو د ځنډدو پرېکړه شوې وه.

په ځینو هغو سیمو کې چې نن د رأی اچولو لپاره پرانیستي هم دي د بې‌نظمیو راپورونه ورکول کېږي لکه د بایو مټریک سیستم د کارولو ستونزه، د رأی پاڼو کموالی او په لېستونو کې د رأی ورکوونکو د نومونو نشتوالی.

خو د انتخاباتو د خپلواک کمېسیون چارواکي وایي د ستونزو د هواري لپاره هڅې کوي.

  • پخواني معلومات

نن شنبه د تلې ۲۸مه له کندهار او غزني پرته په ټول افغانستان کې د ولسي جرګې انتخابات پيل شول.

ولسمشر محمد اشرف غنې د خپلې رایې په ورکولو سره دغه بهیر پيل کړ.

د ولسي جرګې د انتخاباتو لپاره څه باندې ۲۵۰۰ کسانو ځانونه کاندید کړي چې ۴۱۷ یې ښځې دي.

د افغانستان د انتخاباتو خپلواک کمېسیون وايي چې د نن مازدیګر تر څلورو بجو به د رأیو مرکزونه پرانیستي وي.

خو که چېرې د رأی ورکوونکو شمېر زیات او اضافي وخت ته اړتیا پیدا شي، حاضر دي چې دا موده تمدید کړي.

افغان چارواکو په انتخاباتو د کلکو امنیتي تدابیرو خبر ورکړئ دی.

د فراه والي محمد شعیب ثابت وايي چې د امنیتي ننګونو سره سره په فراه کې دومره رأیې ورکوونکي د رأیو ورکونې لپاره راوتلي چې کنټرول یې ستونزمن دی.

نوموړی وايي چې په یو شمېر سیمو کې وسله والو ډزې کړي، خو د رأیې ورکونې ټول مرکزونه فعال دي او د ټاکنو بهیر روان دی.

له نوموړي سره په دې د ازادي راډيو خبریال محبوب شاه محبوب مرکه کړې چې د لاندې لېنک پخ کېکاږلو یې اورېدای شئ:

هيله ده انتظار وکړئ

No media source currently available

0:00 0:02:52 0:00
مستقیم لېنک

په لغمان کې انتخاباتي بهیر او ددې ولایت له والي محمد اصف ننګ سره مرکه

د افغانستان ولسمشر محمد اشرف غني نن په انتخاباتو کې له رأی ورکولو وروسته له خلکو وغوښتل چې رأی ورکړي.

ده همدا راز وویل، د انتخاباتو کمېسیون چمتو دی چې یوه اوونۍ وروسته په کندهار کې انتخابات ترسره کړي.

غني: د یوه تبعه په توګه له تاسو غواړم چې رایه ورکړئ
هيله ده انتظار وکړئ

No media source currently available

0:00 0:00:48 0:00

د انتخاباتو خپلواک کمېسیون رئیس ګلاجان عبدالبدیع صیاد د یوه خبري کنفرانس په ترڅ کې وویل، د رأی ورکونې د هغو مرکزونو وخت سبا ته وغځول شو چې تر نن ۰۱:۰۰ بجې بند پاتې ول.

ښاغلي صیاد زیاته کړه چې دوی دغه فیصله د رهبرۍ پلاوي په موافقه کړې د ۳۶۰ بند پاتې مرکزونو شمېر ۳۶۰ ته رسېږي.

دغه‌راز د دوی په وینا د نن ورځې د رأی ورکونې بهیر به د شپې تر ۰۸:۰۰ بجو دوام وکړي.

نور راوښيه

XS
SM
MD
LG