د افغانستان د کورنیو چارو وزارت وايي چې د کابل ښار د نهمې امنیتي حوزې په قابل بای سیمه کې انتحاري حملېی یو تن وژل او څلور نور یې ټپیان کړي.
ښاغلي نجیب زیاته کړه چې دغه انتحاري حمله نن سهار ۹ بجې د یوه سوزکي موټر په واسطه په سیمه کې د بهرنیو سرتېرو پر کاروان رامنځته شوې ده.
نجیب وویل چې په دغه حمله کې بهرنیو سرتېرو ته زیان نه دی اوښتی.
پخواني معلومات
د کابل ښار د نهمې امنیتي حوزې اړوند د قابل بای په سیمه کې چاودنه شوې ده.
د کورنیو چارو وزارت ویاند نجیب دانش د یاد خبر په تائید سره ازادي راډيو ته وویل چې په دغه چاودنه کې څلور ملکي وګړي ټپیان شوي دي.
ښاغلي نجیب زیاته کړه چې دغه چاودنه د سړک پر غاړه د ځای پر ځای شویو چاودېدونوکو موادو د چاودنې له امله رامنځته شوې ده.
هغه وویل چې دغه چاودنه په سیمه کې د بهرنیو ځواکونو د یوه قراردادي شرکت پر موټر شوې ده.
تر دامهاله ددغه چاودنې مسؤلیت کومې وسله والې ډلې په غاړه نه دی اخیستی.