د لوګر ولایت یو شمېر عامو خلکو د پاکستان په وړاندې د امریکا د ولسمشر ډونالد ټرمپ د وروستي دریځ د ستایلو لپاره هغه ته یو مډال ډالۍ کړی دی.
ډونالد ټرمپ په نوي کال کې ویلي و چې پاکستان له ترهګرۍ سره د مبارزې په نوم د امریکا لسګونه میلیارده ډالره اخیستي او امریکایانیې تېر ایستي دي.
د لوګر د ساداتو قوم مشر سید فرهاد اکبري پرون شپه ازادي راډیو ته وویل، شااوخوا ۳۰۰ خلکو د یوې قومي جرګې پر مهال د ټرمپ همدا دریځ وستایه او هغه تهیې د مډال ورکولو پرېکړه وکړه.
له ښاغلي اکبري سره د ازادي راډیو خبریال صفيالله ستانکزي مرکه کړې چې د لاندې لېنک په کېکاږلو یې اورېدلی شئ:
