د لاسرسۍ وړ لېنکونه

تازه خبر
سه شنبه ۲۶ وری ۱۴۰۴ کابل ۱۰:۲۵

نړۍ

ملګري ملتونه: ایران باید امیر حسین پور جعفر اعدام نه‌کړي

د ملګرو ملتونو د بشري حقونو چارواکو د بخښنې د نړیوال سازمان په څېر پر تهران غږ کړی دی چې ۱۸ کلن امیر حسین پور جعفر اعدام نه‌کړي.

دغه کس د ۲۰۱۶ کال په اپرېل کې ۱۶ کلن و چې پر یوې شپږ کلنې نجلۍ د تېري او وژنې په تور ونیول شو.

ټاکل شوې وه چې پور جعفر په اکټوبر کې اعدام شي، خو د ملګرو ملتونو د اعتراض له امله د هغه اعدام وځنډېده.

ایراني مسؤلانو اوس ویلي دي چې نن به پور جعفر اعدام کړي.

د ملګرو ملتونو دوو ځانګړو استازو عاصمه جهانګیر او اګنیس کالامارد له ایراني چارواکو وغوښتل چې سمدستي له دې پرېکړې وګرځي، نړیوالو اصولو ته غاړه کېږدي او پور جعفر اعدام نه‌کړي.

د بخښنې نړیوال سازمان ویلي دي چې تهران هغه نړیوال تړون لاسلیک کړی دی چې له مخې یې هغه کسان باید اعدام نه‌شي چې د جرمونو په وخت‌یې عمر تر ۱۸ کم وي.

د ورځې تازه خبرونه دلته ولولئ

د امریکا او ترکیې د بهرنیو چارو وزیران د ایران د نیابي ډلو د خطرونو په تړاو وغږیدل

د امریکا د بهرنیو چارو وزیر مارکو روبیو
د امریکا د بهرنیو چارو وزیر مارکو روبیو

د امریکا د متحد ایالتونو د بهرنیو چارو وزیر مارکو روبیو د ترکیې له بهرنیو چارو وزیر هاکان فیدان سره د دوشنبې په ورځ ( اپریل ۱۴) خبرې وکړې.

د امریکا د بهرنیو چارو وزارت ویاندې ټامي بروس په یوه بیان کې د دې ټیلفوني مکالمې په اړه وویل چې دوی د ایران او د هغه د نیابتي ډلو لخوا د سیمه ییز امنیت او ثبات لپاره د خطرونو په اړه خبرې وکړې او د ترهګرۍ ضد همکارۍ او د ناټو د پیاوړتیا د اهمیت په برخو کې یې موافقه وکړه.

ولسمشر ټرمپ، زیلینسکي د میلیونونو انسانانو د وژلو په خاطر پړ وباله

د امریکا ولسمشر ډونالډ ټرمپ
د امریکا ولسمشر ډونالډ ټرمپ

د امریکا د متحد ایالتونو ولسمشر ډونالډ ټرمپ یو ځل بیا د اوکراین پر ولسمشر انتقاد وکړ او د فرانس پریس اژانس په وینا، ښاغلي ټرمپ په غیرواقعي توګه ولودمیر زیلینسکي د میلیونونو کسانو د مرګ مسوول وباله.

ولسمشر ټرمپ ( د اپریل ۱۴) دا تور پورې کړ، نژدې شپږ اونۍ مخکې تر دې یې په سپینه ماڼۍ کې له ښاغلي زیلینسکي سره خبره اړولې وه.

ښاغلي ټرمپ د دوشنبې په ورځ خبریالانو ته وویل "د دریو کسانو له امله په ملیونونو خلک مړه شوې دي"

نوموړي زیاته کړه "راځئ چې پوتین لومړی کس وګڼو، خو راځئ چې بایډن دوهم کړو چې هیڅ نظر یې نه لاره او بیا زیلینسکي».

پوتین د ۲۰۲۲ کال په فبروري کې پر اوکراین د یرغل امر ورکړ.

ټرمپ بیا په زیلینسکي باندې خپل برید دوه چنده کړ، او زیاته یې کړه: "هغه تل هڅه کوي چې توغندي واخلي."

د متحده ایالاتو او اوکراین د ولسمشرانو ترمنځ اړیکې وروسته له هغه ترینګلې شوې چې ټرمپ په فبروري کې نړۍ حیرانه کړه او له روسیې سره یې خبرې اترې پیل کړې.

په لومړي وار نن یوه ډله ښځې د لنډو شېبو لپاره فضا ته واستول شوې

د لنډ فضايي سفر شاملې ښځې
د لنډ فضايي سفر شاملې ښځې

مشهوره سندرغاړې کټي پري، پېژندل شوې خبریاله ګایل کېنګ او د میلیاردر جیف بیزوس کوژدنه پيلوټه او پخوانۍ خبریاله لورین سانچز فضا ته لاړې.

له دوی سره په ننني سفر کې د ناسا پخوانۍ ساینسپوهه ایشا بووي، څېړونکې اماندا انګوین او فلم جوړونکې کېرین فلین هم ملګرې وې.

بلو اوریجین شرکت چې د میلیاردر جیف بیزوس دی نن دا ښځې په ټکساس کې په یوه راکټ کې فضا ته واستولې.

د راکټ سروکی ۱۰۵ کیلومتره پورته لاړ او تر شاوخوا لسو دقیقو وروسته بېرته په اتومات شکل ځمکې ته راستون شو.

جاپان کې د سوشي، ټکنالوژۍ او صنعت نړیوال نندارتون

اوساکا کې نړیوال نندارتون
اوساکا کې نړیوال نندارتون

د جاپان په اوساکا ښار کې د ۱۶۰ هېوادونو په ګډون د تفریحي ټکنالوژۍ، سوشي او نورو صنعتونو نندارتون جوړ شوی.

دا نندارتون چې تمه ده څو میاشتې دوام وکړي هدف یې په ټکنالوژۍ او نورو صنعتونو کې د ګډونوالو هېوادونو د پرمختګونو او لاسته راوړنو ښودل دي.

د اوکرایین برخې ته هم ګڼ خلک ورغلي وو چې اکثر نندارې ته وړاندې شوي توکي یې د یووالي، د اوکرایین د ازادۍ او دې ته ورته سمبولونه درلودل.

جاپان خپل وروستي ماډل روبوټونه نندارې ته اېښي.
د کوریا څانګه کې بیا بیلابیل ډوله سوشي خوراک ته وړاندې شول.

پاکستان ایران کې د خپلو ۸ اتباعو د وژنې عاملانو ته د سزا غوښتنه وکړه

د پاکستان صدر اعظم شهباز شریف د ایران له پخواني ولسمشر ابراهیم رییسي سره، ارشیف
د پاکستان صدر اعظم شهباز شریف د ایران له پخواني ولسمشر ابراهیم رییسي سره، ارشیف

د پاکستان د صدر اعظم شهباز شریف دفتر په ایران کې د اتو پاکستاني کارګرو وژنه غندلې او له تهرانه یې غوښتي چې د پيښې عاملین پیدا او سزا ورکړي.

د شریف دفتر پرون یکشنبه ( د حمل ۲۴مه) په دې اړه اعلامیه خپره کړې ده.

د ازادۍ راډیو ایراني څانګې، راډیو فردا لیکلي چې یوشمېر وسله وال د شنبې په ورځ د سیستان بلوچستان ولایت د مهرستان ښار یوې فابریکې ته ننوتلي او پر پاکستاني کارګرو یې، چې په خوب کې وو، ډزې کړي دي.

د ایران د بهرنیو چارو وزارت هم د یکشنبې په ورځ دغه پیښه " ترهګریزه" وبلله او وې ویل د عاملانو د نیولو لپاره به یې لازم اقدامات وکړي.

رادیو فردا لیکلي چې د پیښې مسولیت " د بلوڅانو د ازادي غوښتونکي پوځ" په نوم بیلتون پالې پاکستاني ډلې او دغه راز جیش العدل ډلې منلی دی.

د "بلوڅانو د ازادي غوښتونکي پوځ" د متحده ایالتونو، اروپایي ټولنې، بریتانیا او د پاکستان د مرکزي حکومت له خوا د ترهګریزې ډلې په توګه پيژندل کیږي.

د امریکا ولسمشر ډونالډ ټرمپ د ازادو مبارزو د لوبو ځانګړی مېلمه وو

ټرمپ او ملګري یې د یو اف سي لوبو د لیدو پر مهال
ټرمپ او ملګري یې د یو اف سي لوبو د لیدو پر مهال

د یو اف سي په نوم د ازادو مبارزو تر ټولو معتبره سازمان بېګا د امریکا په میامي ښار کې د اتلولۍ په څو کمربندونو لوبې برابرې کړې وې.

ډونالډ ټرمپ چې د یو اف سي له مشر ډانا وایټ سره کلک ملګری دی دغو لوبو ته ورغلی وو او ګڼو خلکو یې هرکلی وکړ.

په بیګانیو لوبو کې اسټرالیايي لوبغاړي الکساندر ولکنوفسکي خپل سیال ډیګو لوپیز مات کړ او اتلولۍ ته ورسېد.

انګریز پدي پمبلټ هم بل مشهوره لوبغاړی مایکل چندلر ناک اوټ کړ او اتل شو.

په بله مهمه لوبه کې هم د نیمه درانه وزن مشهوره لوبغاړي دومینیک ریس نیکیتا کریلوو ناک اوټ کړ.

اسراییلي ځواکونو نن تر لمر خاته مخکې په غزه ښار کې پر الاهلي روغتون برید کړی

فلسطینیان په غزه ښار کې پر الاهلي روغتون تر برید وروسته له ړنګې ودانۍ سره ولاړ دي - د اپرېل ۱۳مې انځور.
فلسطینیان په غزه ښار کې پر الاهلي روغتون تر برید وروسته له ړنګې ودانۍ سره ولاړ دي - د اپرېل ۱۳مې انځور.

د غزې روغتیا وزارت ویلي ګڼ ناروغان وایستل شول خو یو د ودانۍ د تخلیې پر مهال مړ شو.

د اسراییلو دفاع وزیر په غزه تړانګه کې د عملیاتو د پراخولو خبرداری ورکړی.

اسراییلي پوځ ادعا کړې چې د عملیاتو د پراخولو هدف د حماس ختمول او د ټولو یرغملو خلاصون دی.

حماس چې د امریکا او اروپا له خوا ترهګر ګڼل کېږي په عین حال کې د اوربند هوکړه د پرمختګ په حال کې بللې.

اسراییل غزه کې د عملیاتو د پراخوالي خبرداری ورکړی، له خلکو یې د تخلیې غوښتنه کړې

د اسراییل جګړه کې ویجاړه شوې غزه، ارشیف
د اسراییل جګړه کې ویجاړه شوې غزه، ارشیف

د اسراییل د دفاع وزیر اسراییل کتز په غزه کې د خپلو پوځي عملیاتو د پراختیا خبرداری ورکړی دی.

کتز په یوه خبرپاڼه کې دغه خبرداری پرون شنبه وروسته له هغه ورکړ چې غزه کې يې پر یوه امنیتي دهلیز ولکه ټینګه کړه.

د فرانس پریس په وینا په دغې خبرپاڼه کې د غزې د خان یونس او شاوخوا سیمو له لسګونه زره اوسیدونکو غوښتل شوي چې خپلې مېنې تخلیه کړي.

د اسراییل د دفاع وزیر یوځل بیا د فلسطیني ډلې حماس د له منځه وړلو او د هغوی له منګولو د ټولو اسراییلي برمته شویو د خلاصون غوښتنه کړې ده.

اسراییل دغه خبرداری داسې وخت ورکوي چې حماس وسله والې ډلې، چې امریکا او اوروپایي ټولنه یې ترهګر بولي، ویلي چې دوی د اوربند په هوکړه کې پرمختګ کړی دی.

د امریکا او ایران خبرې پیل شوې

د ایران د بهرنیو چارو وزیر عباس عراقچي - د امریکا ځانګړی استازی سټیف ویټکوف
د ایران د بهرنیو چارو وزیر عباس عراقچي - د امریکا ځانګړی استازی سټیف ویټکوف

د ایران او د امریکا د متحد ایالتونو استازیو نن په عمان کې په لوړه کچه خبرې پيل کړې دي.

د دې خبرو هدف د تهران اټومي پروګرام دی چې د چټک پرمختګ په حال کې دی.

د امریکا د متحد ایالتونو ولسمشر ډونالډ ټرمپ وار له مخه خبرداری ورکړی دی، که چیرته کومه موافقه ونه شي، نو پوځي اقدام به وکړي.

د ایران د بهرنیو چارو وزیر عباس عراقچي د ایراني پلاوي مشري کوي او د امریکا د متحد ایالتونو له لورې د خبرو مشري د ولسممر ټرمپ د منځني ختیځ استازی سټیف ویټکوف کوي.

ټرمپ څو ساعته کلني طبي معاینات وکړل

د امریکا ولسمشر ډونالډ ټرمپ
د امریکا ولسمشر ډونالډ ټرمپ

د امریکا ولسمشر ډونالډ ټرمپ وویل سپینې ماڼۍ ته یې له ستنیدو وروسته لومړي روغتیایي معاینات وکړل او ډير ښه احساس کوي.

د اته اویا کلن ټرمپ طبي معاینات د جمعې په ورځ( د اپریل ۱۱ مه) د واشنګتن په والټر ریډ طبي مرکز کې وشول، چې تمرکز یې پر زړه او ادراکي ازموینو وو.

تر معایناتو وروسته ولسمشر ټرمپ خبریالانو ته وویل چې ده د ادارکي معاینې په وخت هر ځواب مثبت ترلاسه کړ او د ده یوازې زړه روغ نه دی، روح یې هم ارامه ده.

ولسمشر ټرمپ بیا وویل چې د دې معایناتو بشپړ راپور به تمه ده چې سبا یکشنبه خپور شي.

د امریکا ولسمشران په دودیز ډول د خپلې روغتیا او سلامتیا په اړه ولس ته توضیحات ورکوي، که څه هم دوی مجبوره نه دي چې دا کار وکړي.

نور راوښيه

XS
SM
MD
LG