د امريکا دفاع وزير جيمز متېس ويلي چې هېواد به يې پاکستان ته يو بل فرصت ورکړي مخکې تر دې چې د اسلام اباد پر وړاندې د هغو سخت دريځو په خاطر نور اقدامات وکړي چې افغانستان کې حملې کوي ځکه پاکستان د دې سخت دريځو ملاتړ کوي.
د دې موضوع په اړه ملالۍ بشير د نړیوالو سياسي چارو له افغان کارپوه ذکريا پوپل سره مرکه کړې او په سر کې يې پوښتلي چې یو بل فرصت په څه معنی دی او امریکا د پاکستان پر وړاندې څه اقدامات کولای شي؟
