په ارزګان ولایت کې د وژل شویو سرتېرو کورنۍ ادعا کوي چې د خپل حق د غوښتنې پر مهال دولت پرې ملنډې وهي.
په دغه ولایت کې د یو شمېر وژل شویو سرتېرو د کورنۍ غړو د سې شنبې په ورځ ازادي راډیو ته وویل چې دولت له پامه غورځولي او هغه حقوقيې هم نهدي ورکړي کوم چې یو سرتېري ته تر مرګ وروسته ورکول کېږي.
دوی له دولته غواړي څو خپل حقوق ورکړي، له ډلې یې مېرمنې جمیلې ازادي راډیو ته وویل:
"زوی مې پولیسو کې دنده لرله، ۴ میاشتې مخکې طالبانو سره جګړه کې وژل شوی، اوس د خوارۍ څوک نهلرم څو د خپل د زوی یتیمان پرې وساتم."
مېرمن ګل سیکه هم همدا ستونزه لري:
"پولیسو کې مې دوه زامن وو چې درې میاشتې مخکې مړه شول، زه کور کې هېڅڅوک نهلرم، اوس په ښار کې خیرات ټولوم."
دا په داسې حال کې ده چې د مسؤلینو په خبره د دغه ولایت په مرکز او ولسوالیو کې له تېرو ۹ میاشتو راهیسې د وسلهوالو طالبانو سره په روانه جګړه کې ۴۶۹ ملي او محلي پولیس وژل شوي او ۶۳۷ نور ټپيان شوي دي.
په ورته وخت کې بیا د دغه ولایت د امنیه قوماندانۍ اداري مرستیال شفیقالله طاهري دغه ادعاوې په کلکه ردوي.
نوموړی وايي، د هر سرتېري کورنۍ تهیې د کورنیو چارو وزارت د هدایت پر اساس خپل حقوق ورکړي دي او نورې مرستې به هم ورسره وکړو.
ښاغلی طاهري وايي:
"موږ یوه مشترکه کمېټه جوړه کړې چې په حضور کې یې موږ د هر سرتېري کورنۍ ته د هغه د یو کال معاش ورکوو چې تېره ورځ مو هم یو شمېر کورنیو ته ورکړې، موږ به هېڅکله هم د یوه سرتېري وینه ونهڅښو."
ارزګان د افغانستان یو له هغو ناامنه ولایتونو څخه دی چې د مسؤلینو په وینا له تېرو ۹ میاشتو راهیسې د افغان امنیتي ځواکونو او وسلهوالو تر منځ د دغه ولایت مرکز ترینکوټ ښار ته په دوه کېلو مترۍ کې سخته جګړه روانه ده.
د یادونې وړ ده چې د ارزګان امنیتي چارواکو له دې وړاندې ویلي وو چې په دغه ولایت کې وسلهوال طالبان له ماتې سره مخ کړي او د مخامخ جګړې توان نهلري.
راپور: شریفالله شرافت