په تېرو ۱۴کلونو کې د افغانستان په ځینو لویو ښارونو لکه کابل، هرات مزارشریف او ځينو نورو کې مېرمنو یوځل بیا هڅه وکړه چې خپل شخصي موټر په خپله وچلوي.
په دغه موده کې ډېرو ښځو د ترافیکو په ادارو او شخصي کورسونو کې موټر چلول زده او د موټر چلولو لیسنسونه یې ترلاسه کړل.
خو یو شمېر موټر چلوونکې ښځې شکایت کوي چې د موټر چلولو پرمهال د ځینو نارینه وو لخوا په مختلفو بڼو ځورول کېږي.
دوي وايي، ډېری مېرمنې له دې امله چې مزاحمت ورته کېږي، موټر چلولو ته زړه نه ښه کوي او یا د کورنۍ لخوا اجازه نه ورکول کېږي.
د پروګرام اورېدو لپاره لاندې لېنک کېکاږئ:
جوړوونکۍ: مسعوده نیازۍ