د افغانستان د کرنې او مالدارۍ وزارت وایي چې په روان ۱۳۹۴ لمریز کال کې د تېرو کلونو په پرتله د زعفرانو کښت زیات شوی دی.
د دغه وزارت مسوولین وايي چې په دې کال کې په څلوریشتو ولایتونو کې زعفران کرل شوي و چې ښه حاصلات یې هم درلودل.
په ورته وخت کې د مخدره موادو پرضد د مبارزې وزارت وايي، که د زعفرانو د کښت پراختیا ته سمه توجه وشي ښايي دا په افغانستان کې د کوکنارو د کښت بدیل وګرځي.
صباوون امیرزی د دې موضوع په اړه راپور اوروي:
