په زابل او کندهار ولايتونو کې په دوجلاجلا ترافيکي پېښو کې لس تنه ووژل شوه او ٥٣ تنه نور ټپيان شو.
لومړۍ پېښه تېره ورځ د کندهار ښار شمال ختيځ لور ته د کندهار کابل پر لويه لاره د دامان ولسوالۍ په سيمه کې وشوه، د کندهار د ترافيکو مسوولين وايي، چې يوه ټونس موټر د تيز سرعت له امله چپه شوی او په کې سپاره درې تنې ښځې او يو شپږ کلن هلک مړ شوی او د درېو ماشومانو په ګډون پنځه تنه نور ټپيان دي.
د چارواکو په خبره د پېښې ټپيان په کندهار کې د ملي اردو نظامي روغتون ته د درملنې لپاره لېږدول شوي دي.
دغه راز نن سهار د زابل ولايت په مرکز کلات کې د يوه ٣٠٣ موټر د چپه کېدو له امله شپږ تنه مړه او ٤٨ تنه نور ټپيان شو.
د زابل د امنيت امر غلام جيلاني فراهي ازادۍ راډيو ته وويل، چې چپه شوی موټر د احمدشا ابدالي د تراسپورټ اړونده وو او د کابل څخه کندهار ولايت ته روان وو، چې د تيز سرعت له امله د مرکز کلات په کلا سنګي سيمه کې چپه شو:
(د احمدشاه ابدالي د شرکت اړونده يو ٣٠٣ موټر نن سهار د مرکز کلات په کلا سنګي سيمه کې د تيز سرعت له امله چپه شوي شپږ تنه شهيدان لري او تر څلويښتو ډير ټپيان شوي او مړي او ټپيان د کلات روغتون ته را انتقال شوي.)
د يادولو وړ ده چې د کندهار _کابل لويه لار د وسايطو د چلوونکو د بې غورۍ له امله تل د ترافيکي پېښو شاهده وي چې په دغه پېښو کې سلګونه کسان مړه او ټپيان شوي دي.
څو ورځې مخکې د کندهار د ترانسپورټ رياست او د ترافيکو مدريت اعلان وکړ چې له دې وروسته به د ترانسپورټي شرکتونو هغه موټرو ودروي چې چلوونکي يي لايسنس ونه لري او يا هم د زيات سرعت څخه کار اخلي.
د کندهار د ترافيکو مدير محمدالله خان ازادۍ راډيو ته په يوې ځانګړې مرکه ويلي وو، چې د دې کار څخه يي مقصد دادی چې په ترافيکي پېښو کې کموالی راشي.
راپور: محمدصادق رښتينى،کندهار
لومړۍ پېښه تېره ورځ د کندهار ښار شمال ختيځ لور ته د کندهار کابل پر لويه لاره د دامان ولسوالۍ په سيمه کې وشوه، د کندهار د ترافيکو مسوولين وايي، چې يوه ټونس موټر د تيز سرعت له امله چپه شوی او په کې سپاره درې تنې ښځې او يو شپږ کلن هلک مړ شوی او د درېو ماشومانو په ګډون پنځه تنه نور ټپيان دي.
د چارواکو په خبره د پېښې ټپيان په کندهار کې د ملي اردو نظامي روغتون ته د درملنې لپاره لېږدول شوي دي.
دغه راز نن سهار د زابل ولايت په مرکز کلات کې د يوه ٣٠٣ موټر د چپه کېدو له امله شپږ تنه مړه او ٤٨ تنه نور ټپيان شو.
د زابل د امنيت امر غلام جيلاني فراهي ازادۍ راډيو ته وويل، چې چپه شوی موټر د احمدشا ابدالي د تراسپورټ اړونده وو او د کابل څخه کندهار ولايت ته روان وو، چې د تيز سرعت له امله د مرکز کلات په کلا سنګي سيمه کې چپه شو:
(د احمدشاه ابدالي د شرکت اړونده يو ٣٠٣ موټر نن سهار د مرکز کلات په کلا سنګي سيمه کې د تيز سرعت له امله چپه شوي شپږ تنه شهيدان لري او تر څلويښتو ډير ټپيان شوي او مړي او ټپيان د کلات روغتون ته را انتقال شوي.)
د يادولو وړ ده چې د کندهار _کابل لويه لار د وسايطو د چلوونکو د بې غورۍ له امله تل د ترافيکي پېښو شاهده وي چې په دغه پېښو کې سلګونه کسان مړه او ټپيان شوي دي.
څو ورځې مخکې د کندهار د ترانسپورټ رياست او د ترافيکو مدريت اعلان وکړ چې له دې وروسته به د ترانسپورټي شرکتونو هغه موټرو ودروي چې چلوونکي يي لايسنس ونه لري او يا هم د زيات سرعت څخه کار اخلي.
د کندهار د ترافيکو مدير محمدالله خان ازادۍ راډيو ته په يوې ځانګړې مرکه ويلي وو، چې د دې کار څخه يي مقصد دادی چې په ترافيکي پېښو کې کموالی راشي.
راپور: محمدصادق رښتينى،کندهار