د قران کریم خطاط مسود حلیم
محمد مسعود حلیم یو افغان خطاط دی، چې شاوخوا شل کاله کیږي، قران پاک خطاطي کوي او تر اوسه یې د کلمې شریفې، غوره نثرونو او شعرونو تر څنګ څلور ځلې قران پاک خطاطي کړی، چې په پنځم ځل هم لګیا دی. له نېکه مرغه د ده ټوله کورنۍ هنرمنده ده او له ده سره په خطاطۍ او میناتورۍ کې مرسته کوي. ده څلور خطاطي کړي قران شریفونه د سعودي عربستان پاچا، د کویټ پاچا د سعودي عربستان کتابتون او د امریکا د ورجنیا ایالت یو کتابتون ته ډالۍ کړي دي.
