د طالبانو د حکومت امنیتي سرچینو تایید کړې چې پاکستان وړمه ورځ پر کابل د بې پيلوټه الوتکې دوه ګزارونه کړي دي.
د کابل د پولیسو ویاند خالد ځدراڼ تیره شپه اسوشیتید پریس خبري اژانس ته ویلي، یو هوایي برید پر یوه هستوګنیز کور او بل هغه پر یوه مارکیټ شوی دی.
دا بریدونه د چهارشنبې په ورځ ماسپښین مهال وشول چې ورسره اولګېدنه هم رامنځته شوه، هغه مهال د طالبانو حکومت وویل چې د تېلو یو ټانکر چاودلی دی.
کابل کې روغتونونو ویلي، د چهارشنبې ورځې له بریدونو وروسته ورته پنځه مړي او لسګونه ټپيان وروړل شوي دي.
فرانس پریس لیکلي، د افغانستان او پاکستان د تازه شخړې له پيله تراوسه پر پلازمینه کابل څلور هوایي بریدونه شوي دي.
که څه تر نن ماښامه د دواړو هېوادونو ترمنځ اوربند نافذ دی، خو پاکستاني چارواکو یې دوام، د افغان طالبانو پر ژمنو پورې مشروط بللی دی.