د امریکا ولسمشر ډونالډ ټرمپ وايي، باور لري چې ترکیه به له روسیې څخه د تیلو پېرل ودروي.
ټرمپ دا څرګندونې پرون د ترکیې له ولسمشر رجب طیب اردوغان سره له لیدنې وروسته وکړې.
اردوغان د ملګرو ملتونو عمومي اسامبلې ته د وینا لپاره په متحده ایالاتو کې دی
د امریکا ولسمشر مخکې له دې له ترکیې څخه غوښتي وو چې له روسیې څخه د تیلو اخیستل ودروي.
ولسمشر ټرمپ په وار وار ویلي چې روسیه د تیلو په پیسو د اوکراین جګړه تمویلوي او که چیرې هیوادونه له مسکو څخه د تیلو اخیستل ودروي، روسیه به ونشي کولی چې جګړې ته دوام ورکړي.