سویس په تهران کې خپل سفارت له دوه اونیو ځنډ وروسته بیا پرانیست

د ایران او سویس بیرغونه

د سویس د بهرنیوچارو وزارت اعلان کړی چې په تهران کې د دې هېواد سفارت له دوه اونیو ځنډ وروسته بیا پرانیستل شوی دی.

د سویس سفارت د غبرګولي په ۳۱مه د اسراییل او ایران ترمنځ له ۱۲ ورځنۍ جګړې وروسته وتړل شو.

د سویس سفارت په عین حال کې په ایران کې د امریکا د ګټو استازولي هم کوي.

د سویس د بهرنیوچارو وزارت د یوه بیان له مخې سفارت به خپل فعالیتونه په تدریجي ډول بیا پیل کړي.