د روسیې سترې محکمې نن پنجشنبه طالبان د ترهګریزو ډلو له نوملړه لرې کړل.
اسوشیتید پریس خبري اژانس دا کار د طالبانو لپاره " دیپلوماتیکه بریا" بللې.
روسیې په ۲۰۰۳ کال کې طالبان د ترهګرو ډلو په نوملړ کې شامل کړي وو.
تر دې وړاندې د روسي د کابینې یوشمېر غړو له ولسمشر پوتین نه غوښتي وو چې طالبان له دې نوملړه وباسي.
هغه مهال روسي چارواکو ویلي و چې دوی د طالبانو د حکومت رسمیت پيژندنې ته ګامونه جدي کړي دي.