د امریکا نوی تعرفې د عامو خلکو پر ژوند څه اغیزې لرلی شي؟

د امریکا د متحد ایالتونو ولسمشر تقریبا د نړۍ پر ټولو هیوادونو تعرفې وضع کړې. افغانستان هم له دې امر څخه مستثنی نه دی. ډونالډ ټرمپ د اپریل په دوهمه په سپینه ماڼۍ کې وویل، له دې تعرفو سره به د امریکا اقتصاد ښه شي او د متحد ایالتونو او نورو هیوادو ترمنځ به د صادراتو او وارداتو په ګمرکي مالیاتو کې یو تعادل رامنځته شي. د ولسمشر ټرمپ د تعرفو تر دې اعلان وروسته اروپایي ټولنې او چین په نړۍ کې د یوې تجارتي جګړې د پیلیدو خبرداری ورکړ. تعرفه څه شی ده؟ تعرفې د عامو خلکو پر ژوند څه اغیزې لرلی شي؟ دا پوښتنې، احمد شېبر د افغانستان د سوداګرۍ او پانګونې د خونو د مدیره هیات له غړي اذرخش حافظي څخه پوښتلي