رابیا روګه د اروپا د فضایي مرکز ستورمزلې نه ده. تر دې مخکې نارینه جرمنیان لکه ماتیاس مایور او الکساندر ګرست د اروپا له فضایي مرکزه د فضا په لور تللي وو.
د رابیا روګه سفر د مارچ په یو دیرشمه د امریکا د متحد ایالتونو په فلوریدا کې پيل شو. دا د سپیس ایکس شرکت په سپوږمکۍ کې روانه شوه. په دې سفر کې له اغلې روګه سره د مالتا هیواد میلیاردر چون وانګ، یو نارویژی او یو استرالیایی مله دي.
د دې سفر لګښت چون وانګ چې د بیت کوین میلیاردر دی، په غاړه اخیستی دی.
نهه ویشت کلنه رابیا روګه چې پخوا د سټلایټ د یوه مرکز مشره وه، تر سفر څو ورځې مخکې قرنطین شوه. په دې اړه چې دا څرنګه دې سفر ته غوره شوه، دې په یوه مرکه کې چې جرمني اژانس خپره کړې ده، وویل چې « په ناروې کې یې د سکي پر مهال له چون او د دې د سفر له بل ملګري ایریک سره لیدلي وو. هغه وخت یې په ساعتونو ساعتونو له دې دوو کسانو سره د ټکنالوژي، د فضا او د راتلونکې په اړه خبرې کړې وې او تر دې شپږ میاشتې وروسته چون ورته ویلي و چې دی فضا ته ځي او که دا غواړي ورسره ملګرې کیدای شې»
رابیا روګه د فضایي سفر زده کړه نه ده کړې، دا د برق انجنیره ده، په زوریخ کې یې زده کړې کړې دي.
رابیا روګه وایي چې دا نه غواړي چې خلک یې په راتلونکې کې په دې نوم وپيژني چې دا لومړۍ جرمنۍ ده چې فضا ته تللې ده، دا وایي چې هدف یې دا دی چې نور هم فضا ته سفرونه وکړي. نوموړې زیاته کړه چې هیله یې دا ده چې د دې سفر هغو نجونو ته چې له فضایي ماموریت سره دلچسپي لري، الهام بخښونکی شي.
اغلې روګه زیاتوي چې ښځې باید د ټکنالوژي په برخه کې له نارینه و څخه ډیرې هلې ځلې وکړي.
دا څرګنده نه ده چې د دې فضایي سفر لپاره چونګ څومره پیسې سپیس ایکس ته ورکړې دي.