د کرکټ په اتلانو جام کې سه شنبه هندوستان او اسټرالیا نیمه پایلوبه ترسره کوي.
دا لوبه په دوبۍ کې ترسره کېږي.
اخوا په بله نیمه پایلوبه کې نیوزیلند له جنوبي افریقا سره مخ دی چې هغه لوبه د پاکستان په لاهور ښار کې پلان شوې.
تر نیمه پایلوبې مخکې د ګروپي دور وروستۍ لوبه هند او نیوزیلند د یکشنبې په ورځ ترسره کړه.
په دې لوبه کې هندوستان ۲۵۰ منډې هدف ورکړی وو چې د نیوزیلند لوبډله یې په پوره کولو کې پاتې راغله. نیوزیلند خپل ټول لوبغاړي په ۲۰۵ منډو له لاسه ورکړل او لوبه یې وبایلله.
د کرکټ په اتلانو جام کې افغانستان هم شامل وو چې په ګروپي دور کې یې خپله لومړۍ لوبه په جنوبي افریقا وبایلوده. دویمه لوبه یې له انګلستان وګټله خو دریمه یې د باران په سبب له اسټرالیا سره مساوي شوه او له مخکې تګه پاتی راغی.