د حماس تر ولکې لاندې د غزې روغتیا وزارت نن شنبه ویلي، د غزې په تړانګه کې د اسرائیل په پوځي عملیاتو کې د وژل شویو کسانو شمېر ۴۶زره ۸۹۹ او د ټپیانو ۱۱۰زره ۷۲۵ ته ورسېد.
د امریکا متحد ایالتونه او اروپايي ټولنه حماس یوه تروریستي ډله ګڼي. د غزې د روغتیا وزارت د اعلامیې له مخې، په دغه شمېر کې د تېرو ۲۴ ساعتونو په ترڅ کې نور ۲۳ تنه وژل شوي فلسطینیان هم شامل دي.
په همدې حال کې ټاکل شوې د حماس او اسرائیل ترمنځ د اوربند د ټینګښت او د بندیانو د تبادلې موافقه سر له سبا یکشنبې عملي شي.