د افغانستان د کرکټ ملي لوبډلې د درې یو ورځنیو سیالیو په لوبلړۍ کې بنګلهدېش ته ۲ـ۱ ماتې ورکړه.
د لوبلړۍ وروستۍ سیالي د دوشنبې په ورځ د نومبر په ۱۱مه نېټه د عربي متحده اماراتو د شارجې په لوبغالي کې د کابل پر وخت ماسپښین ۲:۳۰بجې پیل شوې وه، چې د ۵ وېکټو په توپیر افغانستان وګټله.
بنګلهدېش د پچې تر ګټلو وروسته توپوهنه غوره کړه او د ۸ لوبغاړو تر سوځېدو وروسته یې پنځوس اورونه پوره ولوبول او ۲۴۴ منډې یې وکړې.
د یادې لوبډلې په ګټه محمدالله ۹۸ او د دې سیالۍ لوبډلمشر مهدی حسن مېراز ۶۶ منډې وکړې.
په افغان توپ اچونکو کې نن عظمتالله عمرزی تر نورو ښه وځلېد، چې ۴ لوبغاړي یې وسوځول.
دغه راز راشدخان او محمدنبي یوه-یوه وېکټ ترلاسه کړه.
رحمنالله ګربز پهدې سيالۍ کې سليزه ووهله.
افغانستان ورکړل شوی هدف د لوبې په ۴۸.۲ اورونو کې د ۵ وېکټو په له لاسه ورکولو سره پوره کړ.
پهدې سیالۍ کې رحمنالله ګربز سلیزه ووهله هغه په ۱۰۱ منډو وسوځېد.
دا په یو ورځنیو سیالیو کې د نوموړي ۸مه سلیزه وه او د یوه افغان په توګه تر ټولو توپوهونکو مخکې دی.
دغه راز عظمتالله عمرزي بیا ۷۰ او محمدنبي ۳۴ ناسوځېدلې منډې وکړې.
پهدې لوبه کې د بنګلهدېش لپاره ناحید رانا او مستفیظالرحمن دوه-دوه لوبغاړي وسوځول.
رحمنالله ګربز د دې لوبې د غوره لوبغاړي جایزه وګټله.