پاکستاني پولیسو پر یوې واکسیناتورې د ډلهییز جنسي تیري یو اصلي مشکوک کس نیولی دی.
اسوشیتید پریس خبري اژانس نن چهارشنبه د پاکستاني پولیسو په حواله ویلي چې، درېو کسانو تېره پنجشنبه د سند ایالت په جاکوباباد ولسوالۍ کې د پولیو پر یوې واکسیناتورې جنسي تیري کې لاس درلود.
دوه نور مشکوک کسان لا هم ورک دي.
دې پېښې په پاکستان کې په ځانګړې توګه واکسیناتوران بوږنولي دي.
چارواکو دا پېښه نادره بللې او ویلې يې دي چې، په بشپړ ډول یې څېړي.