په تر ټولو مهمه یوه کې به د اتلولۍ مدافع لوبډله پرتګال له پاناما سره مخ شي.
ایران له وینزویلا سره مخ کېږي، دغه راز تاجکستان له مراکش سره لوبه لري او ګواتیمالا به د فرانسې په وړاندې ولوبیږي.
پرون هم د فوټسال په نړیوال جام کې افغانستان خپله لومړنۍ لوبه له انګولا څخه وګټله.
افغانستان شپږ پر څلور د انګولا په ماتولو بریالی شو.
د افغانستان راتلونکې لوبه سبا چهارشنبه له ارجنتاین سره ده.
د فوټسال نړیوال جام په ازبکستان کې روان دی چې ۲۴ ټيمونه پکې برخه لري.