ټاکل شوې ده چې د افغانستان د فوټسال ملي لوبډله د نړیوال جام په لړ کې نن په خپله لومړنۍ سیالي کې له انګولا سره مخامخ شي.
د افغانستان د فوټبال فدراسیون په یوه خبرپاڼه کې ویلي، دا لوبه نن مازیګر د کابل په وخت ۵:۰۰ بجې ترسره کېږي.
د ۲۰۲۴ د فوټسال نړیوال جام پرون شنبه په ازبکستان کې پیل شو او په لومړۍ مسابقه کې تایلنډ دوه پر یو کرویشیا ته ماته ورکړه او په دوهمه لوبه کې بیا برازیل ۱۰ پر صفر کیوبا ته ستره ماته ورکړه.