ټاکل شوې ده چې د افغانستان د فوټسال ملي لوبډله نن چهارشنبه د سپټمبر په څلورمه نېټه د نیوزیلنډ هېواد پر وړاندې سیالي وکړي.
د افغانستان فوټبال فدراسیون د خبر پر اساس، دغه سیالۍ چې د لویو وچو جام اړوند دي، د تایلینډ په کوربهتوب ترسره کېږي.
د افغانستان او نیوزیلنډ سیالي به نن د کابل پر وخت تر غرمې وروسته دوه بجې پیل شي.
افغان لوبډلې پخپلې لومړۍ سیالۍ کې ګواټیمالا هېواد ته ۵ـ۴ ماتې ورکړې وه، خو دویمه لوبه یې ۴-۳ کوېټ ته بایللې وه.
د افغانستان وروستۍ سیالي د کوربه تایلینډ پر وړاندې د پنجشنبې په ورځ ترسره کړي.
د یادو سیالیو موخه د فوټسال راتلونکي نړیوال جام لپاره چمتوالی دی، چې د روانې سپټمبر میاشتې په ۱۴مه نېټه به د ازبکستان هېواد په کوربهتوب پیل شي.