د افغانستان د فوټبال تر ۱۷ کلونو کم عمره لوبغاړي نن د مرکزي اسیا د اتلولۍ په پایلوبه کې د ازبکستان په وړاندې مسابقه کوي.
دغه مسابقه د تاجکستان په پلازمېنه دوشنبه کې د کابل پر وخت ماښام اووه نیمې بجې پیلېږي.
د افغانستان د فوټبال تر ۱۷ کلونو کم عمره لوبډلې په تېرو دوو مسابقو کې د تاجکستان او قرغزستان لوبډلو ته ماتې ورکړې وه.
دا لومړی وار دی چې د افغانستان د فوټبال دغه لوبډله پایلوبې ته لار مومي.