د حماس ډلې تر ولکې لاندې د غزې روغتیا وزارت نن پنجشنبه وویل، په دغه قلمرو کې د اکتوبر له اوومې په روانه جګړه کې د وژل شویو فلسطینیانو شمېر ۳۹زره ۴۸۰ ته ورسېد.
د دغه وزارت په وینا پهدې موده کې ۹۱زره ۱۲۸ نور کسان ټپیان شوي دي.
خپلواکو سرچینو دغه شمېرې تایید یا رد کړي نهدي.
په غزې کې د اسرايیل لهخوا وروسته له هغې جګړه پیل شوه، چې لومړی حماس ډلې د اکتوبر میاشتې پر اوومه پر اسرايیل په ناڅاپي حملې سره ۱۲۰۰ کسان ووژل او شا و خوا ۲۵۰ نور کسان یرغمل کړل.
د امریکا متحدهایالتونه او اروپايي ټولنه حماس ډله یو تروریستي سازمان ګڼي.
د ایران په پلازمېنه تهران کې د چهارشنبې په ورځ د حماس د سیاسي څانګې د مشر اسماعیل هنیه وژل کېدو، دا وېره پیدا کړې چې ښايي دا پېښه د تهران او اسريیل ترمنځ د مستقیمې شخړې سبب شي.