د اسراییل صدراعظم بنیامین نتنیاهو حزبالله ته خبرداری ورکړی چې پر اسراییلو پرونی توغندییز برید به ورته په لوړه بیه پرېوزي.
د اسوشیتید پریس خبري اژانس په وینا دغه خبرداری وروسته تر هغه ورکول کېږي، چې پرون شنبه د اسراییل تر واک لاندې د جولان په لوړو کې د فوټبال پر یوه میدان توغندیز برید ملکیانو ته مرګژوبله واړوله.
دغه اژانس نن وختي د شوي برید د وژل شویو شمېر چې اکثره ماشومان او تنکي ځوانان دي، ۱۱ یاد کړی دی، خو د جرمني خبري اژانس بیا تازه ویلي چې ټولټال ۱۲ تنه وژل شوي دي.
د راپورونو لهمخې دا له کله چې د اسراییل په شمالي پوله کې د دې هېواد د پوځیانو او د لبنان د حزبالله ډلې ترمنځ جګړه پيل شوې، پر اسراییلو د حزبالله تر ټولو خونړی برید ګڼل کېږي.
حزبالله بیا سملاسي برید کې لاس لرل رد کړي دي.