د بریتانیا په پارلماني ټاکنو کې کارګر ګوند له ۱۴کلونو وروسته اکثریت څوکۍ وګټلې.
که څه هم لا د ټولو څوکیو نتیجه نه ده معلومه، خو د ۵۰۰ معلومو شویو څوکیو له ډلې ۳۸۹ د کایر ستارمر په مشرۍ کارګر ګوند خپلې کړي.
د بریا لپاره ۳۲۶ څوکۍ اړینې دي.
اوسني صدراعظم ریشي سوناک چې ګوند یې لویه ماته خوړلې کارګر ګوند ته مبارکي ورکړې ده.
د کارګر ګوند مشر کایر ستارمر تر بریا وروسته وینا کې وویل چې "بدلون اوس پیلېږي او بریتانیا بېرته د کارګر طبقې خدمت کې راولو."