طالبانو د پوهنې وزارت په پکتیا ولایت کې د لسو نویو ښوونځیو د جوړولو د پیل خبر ورکړی دی.
د طالبانو تر کنټرول لاندې باختر خبري اژانس د جولای په دویمه راپور ورکړ چې دغه ښوونځي به د پکتیا ولایت په نهو ولسوالیو کې د یوې غیر انتفاعي موسسې په همکارۍ جوړ شي.
د دغو ښوونځيو د جوړولو لګښت څه باندې ۱۹۶ میلیونه افغانۍ اټکل شوی دی.
دا ښوونځي داسې وخت جوړېږي چې له شپږم ټولګي څخه د پورته نجونو پر وړاندې له څه باندې ۱۰۰۰ ورځو راهیسې ښوونځي تړل شوي او ښځې له یو نیم کال راهیسې پوهنتونونو ته له تلو هم منع دي.