د طالبانو د حکومت د صنعت او سوادګرۍ وزیر نورالدین عزیزي نن سهار سې شنبې د جولای دویمه د یوه پلاوي په مشری ازبکستان ته لاړ.
د طالبانو د تر کنټرول لاندې باختر خبري اژانس د عزیزي له قوله د دې سفر موخه په ازبکستان کې په هغه څلور ورځني نندارتون کې چې شاوخوا ۲۵۰ افغان سوادګرو په کې برخه اخلي، ګډون بللی دی.
وړاندې د عزیزي له قوله ویلي شوي وو چې دوی به په دې سفر کې خپل تجارتي پروګرامونه د ازبکستان له چارواکو سره شریک کړي.
ټاکل شوې نن د ازبکستان په پلازمېنه تاشکند کې د افغاني تولیداتو درې ورځنی نندارتون پرانیستل شي.
د طالبانو حکومت تر کنترول لاندې ملي تلوېزیون ویلي، په دې نندراتون کې به افغاني غالۍ، لاسي صنایع، قیمتي کاڼي، وچه مېوه او ځني نور محصولات نندارې ته وړاندې شي.
طالب چارواکو په دې نندارتون کې د ښځینه صنعتکارانو او سوداګرو د ګډون او نه ګډون په اړه تراوسه څه ویلي نه دي.