کابل ښار د دوشنبې په شپه د یوې زوروې چاودنې شاهد و.
چاودنه د راپورونو له مخې د شپې شاوخوا اته نیمې بجې د کابل د شپږمې حوزې اړوند د علاوالدین په سیمه کې شوې ده.
د طالبانو مخالفې ډلې د ازادۍ جبهې په خپله ایکسپاڼه ادعا کړې چې دا چاودنه د دوی کسانو د طالبانو په پوسته باندې کړې ده.
دې جبهې ادعا کړې چې په برید سره یې پنځه طالبان وژلي او دوه نور یې ټپیان کړي.
طالبانو لا د ازادۍ جبهې د ادعا په اړه څه غبرګون نه دی ښودلی.
ازادي راډیو په چاودنه کې د مرګژوبلې ادعا نه شي تاییدولی.