د روسیې ولسمشر ولادیمیر پوتین له شمالي کوریا څخه مننه وکړه چې د اوکراین د جګړې له کبله د لګېدلو بندیزونو په برخه کې د روسیې ملاتړ کوي.
پوتین نن د شمالي کوریا له مشر کېم جونګ اون سره له غونډې مخکې وویل چې د دوی دواړو هېوادونه به د امریکا د بندیزونو پر وړاندې په ګډه مقابله وکړي.
د پوتین دا څرګندونې څو ساعته مخکې له دې چې په دوه ورځني سفر پېونګ یانګ ته ورسېږي د شمالي کوریا رسنیو خپرې کړې.
دا سفر داسې مهال کېږي چې روسیې او شمالي کوریا د امریکا پر وړاندې خپل اتحاد پیاوړی کړی دی.