نن یکشنبې د اروپا د پارلمان د انتخاباتو په څلورمه او وروستۍ ورځ د ۲۱ اروپايي هېوادونو وګړي د خپلو ۷۲۰ استازو د ټاکلو لپاره رايې اچوي.
د اروپايي اتحادیې شاوخوا ۳۶۰ میلیون اتباع د رایې ورکولو په شرایطو برابر دي.
په دغو هېوادونو کې نن سهار وختي د رای ورکولو بهیر پیل شوی دی.
ایټالیا وروستی هېواد دی چې د رای ورکولو مرکزونه به یې د شپې په یوولس بجې بند شي.
د اروپايي ټولنې په شپږو هېوادونو؛ چک جمهوریت، آیرلنډ، لاتویا، مالټا، هالنډ او سلواکیا په رایه اچونه پای ته رسېدلې ده.