امریکا د ملګرو ملتونو له امنیت شورا غوښتي چې په غزه کې د جګړې د پای ته رسولو لپاره د ولسمشر جوبایډن د پلان ملاتړ وکړي.
د بایډن پلان چې درې پړاوونه لري د دې نژدې اته میاشتنۍ جګړې د پای ته رسېدو، د ټولو برمتهوو د خوشې کېدو او جګړه ځپلې غزې ته د پراخو بشري مرستو د استولو غوښتنه کوي.
په ملګرو ملتونو کې د امریکا سفیرې لیندا توماس ګرینفیلډ پرون وویل چې د جګړې د پای ته رسولو لپاره د بایډن د طرحې مسوده د امنیت شورا ټولو ۱۴ غړو ته سپارل شوې ده.