د اوکراین ولسمشر ولادیمیر زیلینسکي نن دوشنبه د مې په ۲۷مه مادرید ته ورسېد او ټاکل شوې چې له اسپانیا سره دوه اړخیز امنیتي تړون لاسلیک کړي.
د ازادي راډیو د خبر مرکزي څانګه لیکي چې زیلینسکي ته په هوايي ډګر کې د اسپانیا د پاچا شپږم فیلیپ هرکلی ووایه.
اسپانوي رسنیو راپور ورکړی چې زیلینسکي به له کوربه هېواد سره د امنیتي تړون له لاسلیک کولو دمخه د اسپانیا له صدراعظم پیترو سانچز سره وګوري.
د راپور له مخې مادرید پلان لري چې اوکراین ته د یو اعشاریه ۴ میلیارده ډالرو په ارزښت د پیټروټ هوايي مدافع سیستم او د لیوپر ټانکونه واستوي.
کییف په پرلهپسې توګه له خپلو لوېدیځو ملګرو غواړي چې د روسیې په ضد جګړه کې یې پوځي او مالي ملاتړ وکړي.