اوکرایني چارواکي وایي چې د خارکییف ښار پریوه سوداګریز مارکیټ د روسیې په برید کې د وژل شویو کسانو شمېر ۱۲ ته رسیدلی.
د خارکییف ښاروال اهورتیریخوف نن یکشنبې پر ټیلګرام چینل په یوه بیان کې ویلي چې د نړیدلې ودانۍ ترخاورو لاندې نور جسدونه موندل شوي دي.
د اوکراین د کورنیو چارو وزیر اهور کلیمینکو ویلي چې تراوسه ۱۶ تنه ورک دي.
د ازادي راډیو د خبرد مرکزي څانګې د راپور له مخې، په دغه حمله چې پرون شنبې وشوه، لږترلږه ۴۳ تنه ټپیان شوي دي.
د اوکراین ولسمشر ولودیمیر زیلینسکي پر خپله ټلګرام پاڼه لیکلي دي چې د برید پرمهال په پلورنځي کې دننه شاوخوا ۲۰۰ کسان وو.
روسیې په دې وروستیو کې پرخارکییف حملې زیاتې کړې دي.