د طالبانو د حکومت د احصاییې او معلوماتو ملي اداره وايي چې په ۲۰۲۳م کال کې افغانستان د څه باندې لس میلیارد ډالرو په ارزښت واردات او صادرات کړي دي.
دې ادارې پرون چهارشنبې وویل چې تېر کال د افغانستان ټول صادرات یو میلیارد او ۷۷۷ میلیون او ۹۰۰ زره ډالرو ته ورسېدل، خو په مقابل کې یې د ۸ میلیارده او څه باندې ۵۷۶ میلیون ډالرو واردات لرل.
د دې ادارې پر اساس، بهر ته د افغانستان په صادراتو کې لویه ونډه د میوو او طبي بوټو وه.