د ایټالیا پولیس د اسلامي دولت ډلې یا داعش سره د اړیکو په تور د تاجکستان د یوه وګړي د نیول کېدو خبر ورکوي.
د ایټالوي رسنیو د راپورونو له مخې د ۳۲ کلونو په عمر دغه کس چې نوم یې الهام سیر همونزاده ښودل شوی، پرون دوشنبې له هالند څخه روم ته له رسېدو سره سم نیول شوی دی.
د راپورونو له مخې نوموړی د تاجکستان د غوښتنې پر اساس نیول شوی دی.
د پولیسو په وینا، هغه د تروریزم په تړاو جرمونو په خاطر تر تعقیب لاندې و.
په بیان کې نهدي ویل شوي چې ایا دغه کس د تاجکستان له هغو نورو وګړو سره چې تېره میاشت په روسیه کې د یوه تروریستي برید په تړاو نیول شوي، تړاو لري کهنه؟
د هغه خونړي برید چې مسوولیت یې د اسلامي دولت ډلې یا داعش د خراسان څانګې اخیستی او په نتیجه کې یې له ۱۴۰ زیات کسان ووژل شول.