په جنوبي اسیا کې د ملګرو ملتونو د کډوالو لویه کمیشنري وايي چې په ایران او پاکستان کې د افغان کډوالو د ملاتړ او ساتنې لپاره ۶۲۰ میلیون ډالرو ته اړتیا لري.
د کډوالو لویې کمیشنرۍ یا UNHCR پرون (شنبه) پر خپله ایکسپاڼه لیکلي، په دې پیسو به په ۲۰۲۴ م کال کې د څلور میلیونه او ۸۰۰ زره کډوالو او د هغو د دوه نیم میلیونه کوربنو ټولنو د غړیو مرسته وکړي.
د دې کمیشنرۍ پر اساس، لا هم په ایران او پاکستان کې ۷ میلیونه او ۷۰۰ زره افغان کډوال مېشت دي او شاوخوا یو میلیون او ۶۰۰ زره یې له ۲۰۲۱ وروسته دغو هیوادونو ته کډوال شوي دي.