اسراییلو نن هم پر غزې هوايي او ځمکنیو عملیاتو ته دوام ورکړی دی.
د رویترز د راپور پر بنسټ، په دې بریدونو کې په لسهاوو کسان وژل شوي دي.
په راپور کې د فلسطیني او اسراییلي چارواکو په حواله ویلي شوي چې دا بریدونه لا هم دوام لري.
د راپور پر بنسټ، په غزه کې الشفا روغتون ته نژدې شدیده جګړه روانه ده.
د فلسطیني چارواکو په خبره، الشجاعیه سیمه ته نژدې د اسراییلو په دوه هوايي بریدونو کې ۱۷ کسان او د کډوالو پر المغازي کمپ په بریدونو کې ۸ کسان وژل شوي دي.