د امریکايي ډالرو په وړاندې د ایران د پولي واحد ارزښت پرون یکشنبه د ریکارډ تر سرحده ولوېد.
پرون هم خلکو هڅه وکړه چې د بهرنیو اسعارو په وړاندې ایراني ریال تبادله کړي، خو د نوروز له کبله زیاتې صرافۍ او د تبادلې نور دکانونه تړلي وو.
خلک د نوي کال او نوروز دغه جشنونه د وري یا حملې له لومړۍ نېټې د غوايي یا ثور تر لومړۍ نېټې پورې نمانځي.
پرون یو امریکايي ډالر په ۶لکه ۱۳زره ۵۰۰ تومان تبادله کېده.
حال دا چې تېره دوشنبه د مارچ پر ۱۸مه تر نوروز مخکې یو امریکايي ډالر په پنځه لکه ۹۰زره تومانو تبادله کېده.